சத்தியமங்கலம் மார்க்கெட்டில் மல்லிகைப்பூ கிலோ ரூ.805-க்கு ஏலம்

சத்தியமங்கலம்

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு தினமும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். அதன்படி வழக்கம்போல் நேற்று பூக்கள் ஏலம் நடைபெற்றது. 

இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 3 டன் பூக்களை கொண்டு வந்திருந்தனர். நேற்று நடந்த ஏலத்தில் மல்லிகைப்பூ கிலோ ஒன்று ரூ.805-க்கும், முல்லை ரூ.760-க்கும், காக்கடா ரூ.550-க்கும், செண்டுமல்லி ரூ.41-க்கும், பட்டுப்பூ ரூ.70-க்கும், ஜாதிமல்லி ரூ.750-க்கும், கனகாம்பரம் ரூ.420-க்கும், சம்பங்கி ரூ.200-க்கும், அரளி ரூ.180-க்கும், துளசி ரூ.30-க்கும், செவ்வந்தி ரூ.160-க்கும் ஏலம் போனது.