<
வேலூரில் மின்சாரம் தாக்கி வாலிபர் பலி
வேலூரில் மின்சாரம் தாக்கி வாலிபர் பலியானார்.
வேலூர்
வேலூர் கஸ்பா சாஸ்திரிநகரை சேர்ந்தவர் மணிகண்டன் (வயது 22). இவர் கட்டிடங்களில் பெயர்ப்பலகை வைப்பது, அலங்காரம் செய்வது உள்ளிட்ட பணிகளில் ஈடுபட்டு வந்தார். கஸ்பா பகுதியில் உள்ள ஒரு கட்டிடத்தில் வெளியே பெயர் பலகை வைப்பதற்கான பணியை சாரம் கட்டி செய்து கொண்டிருந்தார்.
வேலை முடிந்து சாரத்தில் இருந்து இறங்கும்போது அருகே உள்ள மின்சார கம்பி அவர் மீது பட்டது. இதில் மின்சாரம் பாய்ந்து அவர் சம்பவ இடத்திலேயே சரிந்து விழுந்தார்.
அக்கம்பக்கத்தில் உள்ளவர்கள் அவரை மீட்டு அரசு மருத்துவமனைக்கு சிகிச்சைக்காக கொண்டு சென்றனர். அங்கு பரிசோதித்த டாக்டர்கள் ஏற்கனவே மணிகண்டன் இறந்து விட்டதாக தெரிவித்தனர்.
இதுகுறித்து வேலூர் தெற்கு போலீசார் வழக்குப்பதிவு செய்து விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
