மோட்டார் சைக்கிள் திருடிய வாலிபர் சிக்கினார்

தூத்துக்குடி தாளமுத்துநகர் இந்திரா நகரை சேர்ந்தவர் கருப்பசாமி. இவருடைய மகன் கனகராஜ் (வயது 22). இவர் தனது மோட்டார் சைக்கிளை கடந்த 16.3.2022 அன்று தனது வீட்டின் முன்பு நிறுத்தி இருந்தார். இந்த நிலையில் அந்த மோட்டார் சைக்கிளை யாரோ மர்ம ஆசாமி திருடி சென்று விட்டாராம்.

இது குறித்த புகாரின் பேரில் தாளமுத்துநகர் போலீஸ் சப்-இன்ஸ்பெக்டர் சரண்யா, வழக்கு பதிவு செய்து விசாரணை நடத்தினார். விசாரணையில் தூத்துக்குடி திரேஸ்புரம் பகுதியைச் சேர்ந்த சம்சுதீன் மகன் பீர்முகம்மது (23) என்பவர் கனகராஜின் மோட்டார் சைக்கிளை திருடியது தெரியவந்தது. உடனடியாக போலீசார் பீர்முகமதுவை கைது செய்தனர். அவரிடம் இருந்து மோட்டார் சைக்கிளையும் மீட்டனர்.