<
10 கிலோ ஆடு ரூ5 ஆயிரத்துக்கு விற்பனை
10 கிலோ ஆடு ரூ5 ஆயிரத்துக்கு விற்பனை
மூலனூர்:
கன்னிவாடி ஆட்டுச்சந்தையில் 10 கிேலா ஆடு ரூ.5 ஆயிரத்துக்கு விற்பனை செய்யப்பட்டது.
ஆட்டுச்சந்தை
தமிழகத்தில் நடைபெறும் பெரிய ஆட்டு சந்தைகளில் ஒன்று கன்னிவாடி ஆட்டுச்சந்தை ஆகும். இந்த சந்தை வாரந்தோறும் வெள்ளிக்கிழமையன்று நடைபெற்று வருகிறது. இந்த சந்தைக்கு சென்னை, கோவை, மதுரை, பொள்ளாச்சி, உடுமலை போன்ற நகரங்களில் இருந்தும், கேரளா, கர்நாடகா, ஆந்திரா போன்ற வெளிமாநிலங்களை சேர்ந்த வியாபாரிகள் கன்னிவாடி ஆட்டுச்சந்தையில் வந்து ஆடுகளை வாங்கி செல்கின்றனர்.
அதேபோல் கன்னிவாடி மற்றும் மூலனூர் வெள்ளகோவில், பரமத்தி மற்றும் அதனை சுற்றியுள்ள கிராமங்களை சேர்ந்த விவசாயிகள் தங்களது ஆடுகளை விற்பனைக்காக கொண்டு வருகின்றனர். பங்குனி உத்திரம் நேற்று என்பதால் ஆடுகளை வாங்க பெரும்பாலான விவசாயிகள் சந்தைக்கு வரவில்லை. இதன் காரணமாக இந்த வாரம் ஆடுகள் வரத்து அதிக அளவில் இருந்தது. சந்தையில் விவசாயிகளுக்கு போதிய விலை கிடைக்காததால் ஆடுகளை திருப்பி கொண்டு செல்லும் நிலை ஏற்பட்டது.இதனால் இந்த வாரம் ஆடுகள் வரத்து அதிகமானதால் ஆடுகளின் விலை வெகுவாக குறைந்தது.
விலை
கடந்த வாரம் 10 கிலோ எடையுள்ள ஆடு ரூ.6 ஆயிரத்துக்கு விற்பனை செய்யப்பட்டது. இந்த வாரம் அதே ஆடு ரூ.5 ஆயிரத்திற்கும் குறைவாகவே விற்பனை ஆனது. இந்த வாரம் ஆடுகளின் வரத்து அதிகமானதால் வியாபாரிகளின் வரத்து குறைந்தாலும் ஆடுகளின் விலை வெகுவாக குறைந்தது என்று கூறினார். இந்த சந்தையில் ஆடுகளின் விலை அதன் எடையை பொறுத்தே நிர்ணயிக்கப்படும் அதனடிப்படையில் கடந்த வாரத்தில் ஒரு கிலோ ரூ.600-க்கு விற்பனை செய்யப்பட்டது. இந்த வாரத்தில் ரூ.100- குறைந்து ரூ.500-க்கு விற்பனை செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
