<
போதை ஒழிப்பு குறித்து விழிப்புணர்வு மினிமாரத்தான் போட்டி
திருவண்ணாமலையில் போதை ஒழிப்பு குறித்து நடைபெற்ற விழிப்புணர்வு மினி மாரத்தான் போட்டியில் 1500 பேர் பங்கேற்றனர்.
திருவண்ணாமலை
திருவண்ணாமலையில் போதை ஒழிப்பு குறித்து நடைபெற்ற விழிப்புணர்வு மினி மாரத்தான் போட்டியில் 1500 பேர் பங்கேற்றனர்.
மினிமாரத்தான் போட்டி
திருவண்ணாமலை மாவட்டத்தில் போதை பொருட்களை ஒழிப்பதற்காக மாவட்ட காவல்துறை மூலம் பல்வேறு நடவடிக்கைகள் மேற்கொள்ளபட்டு வருகிறது.
தனிப்படைகள் அமைத்தும், ரோந்து போலீசார் நியமித்தும் தொடர் கண்காணிப்பு பணிகள் நடந்து வருகிறது. மேலும் குறும்படம், வரைப்பட போட்டிகள் நடத்தப்பட்டு பள்ளி, கல்லூரி மற்றும் பொதுமக்களிடையே விழிப்புணர்வு ஏற்படுத்தப்பட்டு வருகிறது.
போலீசார் மூலம் பொதுமக்களுக்கு துண்டு பிரசுரங்களும், சமூக வலைதளங்களின் மூலமாகவும் விழிப்புணர்வு ஏற்படுத்தப்பட்டு வருகின்றது.
அதனைத்தொடர்ந்து இன்று மாவட்ட காவல்துறை, அருணை மருத்துவ கல்லூரி மருத்துவமனை, அபூர்வா புட்ஸ் மற்றும் அமோகா ஓட்டல்ஸ் ஆகியவை இணைந்து போதை பொருட்கள் ஒழிப்பு குறித்து விழிப்புணர்வு மினிமாரத்தான் போட்டி நடந்தது. மாவட்ட போலீஸ் சூப்பிரண்டு பவன்குமார் தலைமை தாங்கினார்.
இதில் சிறப்பு அழைப்பாளராக கூடுதல் கலெக்டர் (வளர்ச்சி) பிரதாப், சி.என்.அண்ணாதுரை எம்.பி., அருணை மருத்துவக்கல்லூரி இயக்குனர் எ.வ.வே.கம்பன் ஆகியோர் கலந்து கொண்டு கொண்டு போட்டியை கொடியசைத்து தொடங்கி வைத்தனர்.
திருவண்ணாமலை கிரிவலப்பாதை செங்கம் சாலை இணையும் பகுதியில் தொடங்கி அபய மண்டபம் அருகில் நிறைவடைந்தது.
1500 பேர் பங்கேற்பு
இதில் ஆண்கள், பெண்கள் என திருவண்ணாமலை, வேலூர், கிருஷ்ணகிரி உள்ளிட்ட பல்வேறு மாவட்டங்களை சேர்ந்த சுமார் 1500 பேர் கலந்து கொண்டனர்.
போட்டியில் முதல் 3 இடங்களை பிடித்த ஆண்கள் மற்றும் பெண்கள் பிரிவுக்கு தனித்தனியாக பரிசுகள் வழங்கப்பட்டது.
ஆண்கள் பிரிவில் செங்கத்தை சேர்ந்த டி.ரவிக்குமார் முதலிடமும், டி.சக்திவேல் 2-ம் இடத்தையும், வேட்டவலத்தை சேர்ந்த ஆர்.ராஜா 3-ம் இடத்தையும் பிடித்தனர்.
பெண்கள் பிரிவில் திருவண்ணாமலை வி.டி.எஸ். ஜெயின் பள்ளியை சேர்ந்த ஆர்.அபிராமி முதலிடத்தையும், சென்னையை சேர்ந்த நிபியா ஜோசப் 2-ம் இடத்தையும், திருவண்ணாமலையை சேர்ந்த பி.ரூபிகா 3-ம் இடத்தையும் பிடித்தனர்.
பின்னர் நடைபெற்ற பரிசளிப்பு விழாவில் வெற்றி பெற்றவர்கள் பரிசு தொகை மற்றும் கோப்பை வழங்கப்பட்டது. மேலும் போட்டியில் கலந்து கொண்ட அனைவருக்கும் சான்றிதழ் வழங்கப்பட்டது.
நிகழ்ச்சியில் அபூர்வா புட்ஸ் சீனிவாசன், அமோகா ஓட்டல்ஸ் அன்பரசன், தி.மு.க. நகர செயலாளர் கார்த்திவேல்மாறன், திருவண்ணாமலை உதவி போலீஸ் சூப்பிரண்டு கிரண்ஸ்ருதி, இன்ஸ்பெக்டர்கள் தயாளன், ஹேமமாலினி மற்றும் போலீசார் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
