பக்தரிடம் செல்போன், பணம் திருட்டு

மயிலம், 

சென்னை அம்பத்தூர் திருவள்ளுவர் நகர் பகவத்சிங் தெருவை சேர்ந்தவர்  ஜெகநாதன்(வயது 47). இவர் மயிலம் முருகன் கோவிலுக்கு வந்திருந்தார். அங்கு பையை கரையில் வைத்து விட்டு தெப்பக்குளத்தில் குளித்தார். பின்னர் வந்து பார்த்தபோது பையில் வைத்திருந்த 2 செல்போன்கள் மற்றும் ரூ.8 ஆயிரம் ஆகியவற்றை காணவில்லை. அதனை மர்மநபர் திருடிச்சென்றிருப்பது தெரியவந்தது. இது குறித்த புகாரின் பேரில் மயிலம் போலீசார் வழக்குப்பதிவு செய்து விசாரணை நடத்தி வருகின்றனர்.