ஓசூரில் துணிக்கடையில் திடீர் தீ விபத்து

ஓசூர்:

கிருஷ்ணகிரி மாவட்டம் ஓசூரில், பழைய பெங்களூரு சாலையில், திவ்யா என்பவருக்கு சொந்தமான ரெடிமேட் துணிக்கடை உள்ளது. இங்கு நேற்று முன்தினம் நள்ளிரவில் திடீரென தீப்பிடித்து கடை முழுவதும் தீ பரவி கரும்புகை சூழ்ந்தது. இதுகுறித்து தகவல் அறிந்ததும் ஓசூர் தீயணைப்பு துறையினர் விரைந்து வந்து தீயை அணைத்தனர். இந்த விபத்தில் பல லட்சம் மதிப்புள்ள துணிகள் எரிந்து சேதமடைந்தது. தீவிபத்துக்கான காரணம் குறித்து, ஓசூர் டவுன் போலீசார் விசாரித்து வருகின்றனர்.