<
காதல் மனைவியை கொலை செய்ய முயன்ற கார் டிரைவர் கைது
காதல் மனைவியை கொலை செய்ய முயன்ற கார் டிரைவர் கைது
திருவண்ணாமலை
திருவண்ணாமலை அருணகிரிபுரம் 3-வது தெருவை சேர்ந்தவர் தரணிதரன் (வயது 26), கார் டிரைவர். இவரது மனைவி சுகன்யா (25).
இவர்கள் இருவரும் கடந்த 5 வருடங்களுக்கு முன்பு காதலித்து திருமணம் செய்து கொண்டனர். இவர்களுக்கு 2 வயதில் பெண் குழந்தை உள்ளது.
தரணிதரன் குடிப்பழக்கம் உள்ளவர் என்று கூறப்படுகிறது. இதனால் கணவன்- மனைவிக்கு இடையே அடிக்கடி தகராறு ஏற்பட்டு வந்துள்ளது.
சம்பவத்தன்று சுகன்யா அவரது கணவரிடம் குடியை மறக்க சாமிக்கு மாலை போட சொன்னதாக தெரிகிறது. இதனால் ஆத்திரம் அடைந்த தரணிதரன் அவரது மனைவியின் கழுத்தை துப்பட்டாவால் இறுக்கி கொலை முயற்சியில் ஈடுபட்டதாக கூறப்படுகிறது.
இதனால் பாதிக்கப்பட்ட சுகன்யா திருவண்ணாமலை அரசு மருத்துவமனையில் சிகிச்சைக்காக சேர்க்கப்பட்டு உள்ளார்.
இதுகுறித்து சுகன்யாவின் தந்தை சேகர் திருவண்ணாமலை டவுன் போலீசில் புகார் செய்தார்.
அதன்பேரில் போலீசார் வழக்குப்பதிவு செய்து தரணிதரனை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
