கடையநல்லூர் நகராட்சியில் முதல்-அமைச்சர் மு.க.ஸ்டாலின் படம் திறப்பு விழா

அச்சன்புதூர்:

கடையநல்லூர் நகராட்சி கூட்ட அரங்கில் முதல்-அமைச்சர் மு.க.ஸ்டாலின் உருவப்படம் திறப்பு விழா நடந்தது. நகராட்சி தலைவர் ஹபிபூர் ரகுமான் தலைமை தாங்கினார். தென்காசி வடக்கு மாவட்ட தி.மு.க. பொறுப்பாளர் செல்லத்துரை, தனுஷ்குமார் எம்.பி., நகராட்சி ஆணையாளர் ரவிச்சந்திரன் ஆகியோர் முன்னிலை வகித்தனா். நகராட்சி துணை தலைவர் ராசய்யா வரவேற்றார். சிறப்பு அழைப்பாளராக வருவாய் மற்றும் பேரிடர் மேலாண்மை துறை அமைச்சர் கே.கே.எஸ்.எஸ்.ஆர்.ராமச்சந்திரன் கலந்து கொண்டு, முதல்-அமைச்சர் மு.க.ஸ்டாலின் உருவப்படத்தை திறந்து வைத்தார். நிகழ்ச்சியில் புளியங்குடி நகராட்சி தலைவி விஜயா சவுந்திரபாண்டியன், புளியங்குடி நகர தி.மு.க. செயலாளர் ராஜ்காந்த், இந்திய யூனியன் முஸ்லிம் லீக் நகர தலைவர் செய்யது மசூது உள்பட பலர் கலந்து கொண்டனர்.