<
போலீஸ் சப்-இன்ஸ்பெக்டருக்கு கொலை மிரட்டல் விடுத்த வாலிபர் கைது
போலீஸ் சப்-இன்ஸ்பெக்டருக்கு கொலை மிரட்டல் விடுத்த வாலிபர் கைது செய்யப்பட்டார்
சீர்காழி:
சீர்காழி அருகே தைக்கால் கிராமம் மதகடி தெருவை சேர்ந்தவர் ராஜேந்திரன் மகன் மணிமாறன் (வயது 31). இவர் தனக்கு சிலர் கொலை மிரட்டல் விடுத்ததாக சீர்காழி போலீசில் புகார் கொடுத்தார். அதன்பேரில் போலீஸ் சிறப்பு சப்-இன்ஸ்பெக்டர் அர்ஜூனன், தைக்கால் மதகடி தெருவை சேர்ந்த கலியபெருமாள் மகன் செந்தில் (34) என்பவரை செல்போனில் தொடர்பு கொண்டு விசாரணைக்கு வருமாறு தெரிவித்துள்ளார். அப்போது சிறப்பு சப்-இன்ஸ்பெக்டர் அர்ஜூனனை செந்தில் தகாத வார்த்தைகளால் திட்டி கொலை மிரட்டல் விடுத்துள்ளார். இதுகுறித்து சிறப்பு சப்-இன்ஸ்பெக்டர் கொடுத்த புகாரின் சீர்காழி போலீசார் வழக்குப்பதிவு செய்து செந்திலை தேடி வந்தனர். இந்த நிலையில் நேற்று இரவு பழைய பஸ் நிலையம் அருகில் நின்று கொண்டிருந்த செந்திலை போலீசார் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
