சங்கரன்கோவில்: இளம்பெண் தீக்குளித்து தற்கொலை

சங்கரன்கோவில்:

சங்கரன்கோவில் அருகே உள்ள வாடிக்கோட்டை கிராமத்தைச் சேர்ந்தவர் முத்துக்குமார் மனைவி சங்கரேஸ்வரி (வயது 30). இவருக்கு கடந்த 1½ மாதங்களுக்கு முன்பு குழந்தை பிறந்தது. இந்த நிலையில் சம்பவத்தன்று வீட்டில் யாரும் இல்லாத நேரத்தில் சங்கரேஸ்வரி உடலில் மண்எண்ணெய் ஊற்றி தீக்குளித்ததாக கூறப்படுகிறது. இதில் காயமடைந்த சங்கரேஸ்வரி சங்கரன்கோவில் அரசு மருத்துவமனையில் சிகிச்சைக்காக அனுமதிக்கப்பட்டார். 

பின்னர் மேல் சிகிச்சைக்காக பாளையங்கோட்டை அரசு ஆஸ்பத்திரியில் சேர்க்கப்பட்டார். அங்கு சிகிச்சை பலனின்றி சங்கரேஸ்வரி பரிதாபமாக உயிரிழந்தார். 

இதுகுறித்த புகாரின் பேரில் சங்கரன்கோவில் தாலுகா போலீசார் வழக்குப்பதிவு செய்து விசாரணை நடத்தி வருகிறார்கள்.