தேசிய அளவிலான கராத்தே போட்டியில் ஆதித்தனார் கல்லூரி மாணவர்கள் சாதனை

பாளையங்கோட்டை அண்ணா உள்விளையாட்டு அரங்கில் முதலாவது தேசிய அளவிலான திறந்தவெளி கராத்தே சாம்பியன்ஷிப் போட்டிகள் நடைபெற்றது. இப்போட்டியில் தேசிய அளவில் பல்வேறு மாநிலங்களை சேர்ந்த மாணவர்கள் கலந்துகொண்டனர். இதில் திருச்செந்தூர் ஆதித்தனார் கலை மற்றும் அறிவியல் கல்லூரியை சேர்ந்த இளம் வணிகவியல் 3-ம் ஆண்டு சுயநிதி பிரிவு மாணவர் ச.சுப்பிரமணியன் கருப்பு பட்டை பிரிவில் கட்டா- குமித்தேயில் முதல் இடத்தை பிடித்தார். 2-ம் ஆண்டு இளம் பொருளியல் மாணவர் க.ஜோதி ராஜ், பச்சை பட்டை பிரிவில் கட்டா- குமித்தேயில் முதல் மற்றும் 2-ம் இடத்தை பிடித்தார்.

சாதனை படைத்த மாணவர்களை கல்லூரி முதல்வர் து.சி.மகேந்தின், செயலாளர் ஜெயக்குமார் மற்றும் சுயநிதி பிரிவில் பணியாற்றும் அனைத்து பேராசிரியர்களும் பாராட்டினர்.