அச்சக அதிபரிடம் ரூ.17 லட்சம் ஏமாற்றியதாக 4 பேர் மீது வழக்கு

சிவகங்கை, 

சிவகங்கை மாவட்டம் புதுவயலை சேர்ந்தவர் வீரசேகர் (வயது 32) இவர் அங்கு அச்சகம் நடத்தி வருகிறார். இவருடைய நண்பர் சுந்தரமூர்த்தி (30) என்பவர் திண்டுக்கல் மாவட்டம் நத்தம் அடுத்த சின்னையாம்பட்டி என்ற கிராமத்தில் வசித்து வருகிறார்.

சுந்தரமூர்த்தி கடந்த ஆண்டு நவம்பர் மாதம் வீரசேகரிடம் தென்னந்தோப்பு ஒன்றை குத்தகைக்கு எடுக்க உள்ளதாகவும் அதற்கு பணம் தேவைப்படுவதாகவும் கூறினார். மேலும் பிரபு என்பவரின் சொத்தை அடமானம் வைத்து கொண்டு பணம் வாங்கித் தரும்படி கூறினார்,இதை நம்பி வீரசேகர் மற்றும் அவரது நண்பர்கள் 2 பேர் சேர்ந்து பல தவணைகளில் ரூ.17 லட்சத்தை கொடுத்தார்களாம். பணத்தை பெற்றுக்கொண்ட அவர்கள் அதை திருப்பித் தரவில்லை இதுகுறித்து வீரசேகர் சிவகங்கை மாவட்ட போலீஸ் சூப்பிரண்டு செந்தில்குமாரிடம் புகார் கொடுத்தார். அவரது உத்தரவின் பேரில் மாவட்ட குற்றப்பிரிவு இன்ஸ்பெக்டர் ராமகிருஷ்ணன் விசாரணை நடத்தி சுந்தரமூர்த்தி (30) பிரபு (40) கீர்த்தனா (27) தங்கபாப்பா (35) ஆகிய 4 பேர் மீது வழக்கு பதிவு  செய்து அவர்களை தேடி வருகிறார்.