<
குளத்தில் மூழ்கி மாணவன் பலி
நத்தம் அருகே குளத்தில் மூழ்கி மாணவன் பலியானான்.
செந்துறை:
நத்தம் அருகே உள்ள சிறுகுடி மஞ்சநாயக்கன்பட்டியை சேர்ந்தவர் பெரியகருப்பன். அவருடைய மகன் ரித்தீஷ் (வயது 10). இவன், அங்குள்ள அரசு தொடக்கப்பள்ளியில் 5-ம் வகுப்பு படித்து வந்தான். நேற்று இவன், தனது நண்பர்களுடன் அருகே உள்ள அய்யங்குளத்தில் குளித்தான். அப்போது திடீரென ரித்தீஷ் தண்ணீரில் மூழ்கினான்.
இதனைக்கண்ட அவனுடைய நண்பர்கள் அதிர்ச்சி அடைந்தனர். மேலும் ரித்தீஷை தண்ணீருக்குள் தேடினர். இருப்பினும் அவன் கிடைக்கவில்லை. இதனையடுத்து ரித்தீஷின் உறவினர்களிடம் அவனது நண்பர்கள் தகவல் தெரிவித்தனர்.
அதன்பேரில் குளத்துக்குள் இறங்கி உறவினர்கள் தேடினர்.
அப்போது தண்ணீரில் மூழ்கி இறந்த நிலையில் ரித்தீஷின் உடல் மீட்கப்பட்டது. இதுகுறித்து தகவல் அறிந்த நத்தம் போலீசார் சம்பவ இடத்துக்கு விரைந்தனர்.
பின்னர் உடலை கைப்பற்றி பிரேத பரிசோதனைக்காக நத்தம் அரசு மருத்துவமனைக்கு போலீசார் அனுப்பி வைத்தனர். மேலும் இது தொடர்பாக வழக்குப்பதிவு செய்து விசாரணை நடத்தி வருகின்றனர்.
-----
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
