தினத்தந்தி புகார் பெட்டி

பெரம்பலூர் நகராட்சிக்குட்பட்ட பல்வேறு இடங்களில் பகல் மற்றும் இரவு நேரங்களில் கூட்டம், கூட்டமாக தெருநாய்கள் சுற்றித்திரிகிறது. இந்தநிலையில் சாலையில் செல்லும் சிறுவர்கள் மற்றும் பெரியவர்கள் வரை பின்னால் துரத்தி சென்று கடிக்க பாய்கிறது. மேலும் சாலைகளின் குறுக்கே நாய்கள் ஓடி செல்வதால் அடிக்கடி விபத்து ஏற்பட்டு வருகிறது. எனவே சம்பந்தப்பட்ட நகராட்சி அதிகாரிகள் தெருநாய்களை பிடித்து செல்ல நடவடிக்கை எடுக்க வேண்டும்.

பொதுமக்கள், பெரம்பலூர். 

புதுக்கோட்டை மாவட்டம் காரையூர் அருகே மேலத்தானியம் மற்றும் அதன் சுற்று வட்டார கிராமங்களான சூரப்பட்டி, வடக்கிப்பட்டி, எம்.உசிலம்பட்டி, ஆவாம்பட்டி உள்பட 15-க்கும் மேற்பட்ட கிராமங்களை சேர்ந்த விவசாயிகள் தங்களது வீடுகளில் ஆடு, மாடு, கோழி, நாய்கள் என அதிகளவில் வளர்த்து வருகின்றனர். இந்தநிலையில் ஆடு, மாடுகளுக்கு ஏதாவது உடல்நிலை பாதிப்பு ஏற்பட்டால் சிகிச்சைக்காக காரையூர் அல்லது சடையம்பட்டி கால்நடை மருத்துவமனைக்கு செல்ல வேண்டிய நிலை உள்ளது. இதனால் விவசாயிகளுக்கு வீண் அலைச்சல் ஏற்படுகிறது. எனவே மேலத்தானியத்தில் கால்நடை மருத்துவமனை அமைத்து கொடுக்க சம்பந்தப்பட்ட அதிகாரிகள் நடவடிக்கை எடுக்க வேண்டும். 

பொதுமக்கள், புதுக்கோட்டை.

கரூர் மாவட்டம் தவுட்டுப்பாளையம் பகுதியில் பயணிகளின் நலன் கருதி நிழற்குடை கட்டப்பட்டது. இந்தநிலையில் இப்பகுதியில் உள்ள சிலர் தங்களது ஆடுகளை வீடுகளில் கட்டி வைக்காமல் விட்டு விடுகின்றனர். இதனால் ஆடுகள் பயணிகள் நிழற்குடைக்குள் வந்து படுத்துக் கொள்கிறது. இதனால் பயணிகள் நிழற்குடைக்குள் சென்று அமர முடியாத சூழ்நிலை ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டு கொள்கிறோம்

பொதுமக்கள், கரூர்.

திருச்சி சுப்ரமணியபுரம் ஜெயிலனியா 6-வது குறுக்கு தெரு பகுதியில் ஏராளமான பொதுமக்கள் வசித்து வருகின்றனர். இப்பகுதியில் உள்ள வீடுகளில் இருந்து வெளியேறும் கழிவுநீர் செல்லும் வகையில் பாதாள சாக்கடை அமைக்கப்பட்டுள்ளது.  இதில் அடைப்பு ஏற்பட்டால் அதனை சரிசெய்யும் வகையில் அமைக்கப்பட்டுள்ள மூடி வழியாக கழிவுநீர் வெளியேறி இப்பகுதியில் சுகாதார சீர்கேடு ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், சுப்ரமணியபுரம், திருச்சி. 

திருச்சி மாவட்டம், பெட்டவாய்த்தலை பஸ் நிலையத்தில் பயணிகள் அமர்வதற்காக நிழற்குடை அமைக்கப்பட்டுள்ளது. இந்த நிழற்குடையில் அமைக்கப்பட்டுள்ள நாற்காலிகள் உடைந்து காணப்படுவதால் பயணிகள் அமர முடியாமல் பஸ்கள் வரும் வரை கால்கடுக்க நிற்க வேண்டிய நிலை ஏற்பட்டுள்ளது. பல மாதங்களாக இதே நிலை நீடிப்பதினால் முதியவர்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

கரும்பாசலம், பெட்டவாய்த்தலை,  திருச்சி. 

திருச்சி கண்டோன்மெண்ட்  காவல் நிலையம் முன்பு உள்ள சாலையில் குண்டும், குழியுமாக காட்சியளிக்கிறது. இதனால் அந்த வழியாக பகல் மற்றும் இரவு நேரங்களில் வாகனங்களில் செல்வோர் தவறி விழுந்து படுகாயம் அடைகின்றனர். மேலும், அந்த சாலையின் குறிப்பிட்ட இடத்தில் கழிவுகள் மற்றும் குப்பைகள் குவிந்து கிடக்கிறது. இதனால் அதில் இருந்து கொசுக்கள் உற்பத்தியாகி நோய் பரவும் அபாயம் ஏற்பட்டுள்ளது. எனவே சம்பந்தப்பட்ட மாநகராட்சி அதிகாரிகள் குண்டும், குழியுமான சாலையை சீரமைக்க நடவடிக்கை எடுக்க வேண்டும் என சமூக ஆர்வலர்கள், பொதுமக்கள் கோரிக்கை விடுத்துள்ளனர்.

விவேக், திருச்சி.

திருச்சி பீமன்நகர் மார்சிங்பேட்டையில் உள்ள துர்கை அம்மன் கோவில் வலது புறம் பாதாள சாக்கடை உள்ளது. இதில் இருந்து கழிவுநீர் வெளியேறி வருகிறது. இதனால் அப்பகுதியில் துர்நாற்றம் வீசுவதுடன் கொசுக்கள் உற்பத்தியாகி நோய் பரவும் அபாயம் ஏற்பட்டுள்ளது. எனவே சம்பந்தப்பட்ட அதிகாரிகள் பாதாள சாக்கடையில் இருந்து வெளியேறும் கழிவுநீரை அப்புறப்படுத்த அப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.

பொதுமக்கள், திருச்சி.

திருச்சி பாரதிதாசன் பல்கலைக்கழகம் எதிரே உள்ள சுக்கா ஊரணியில் ஏராளமான கருவேல மரங்கள் முளைத்து காடு போல் காட்சியளிக்கிறது. இதனால் மழை பெய்யும் போது இந்த ஊரணியில் மழைநீர் தேங்க வழியின்றி உள்ளதால் இப்பகுதியில் நிலத்தடி நீர்மட்டம் பாதிக்கப்பட்டுள்ளது. எனவே வருங்காலத்தில் இப்பகுதியில் நிலத்தடி நீர் மட்டம் உயர சம்பந்தப்பட்ட அதிகாரிகள் இந்த ஊரணியில் முளைத்துள்ள கருவேல மரங்களை அகற்றி தூர்வார நடவடிக்கை எடுக்க வேண்டும் என கேட்டுக்கொள்கிறோம். 

 சிராஜீதீன், திருச்சி.