தேர்த்திருவிழா காப்பு கட்டுதலுடன் தொடங்கியது

தொட்டியம், மார்ச்.24-
தொட்டியத்தில் பிரசித்தி பெற்ற மதுரைகாளியம்மன் கோவில் உள்ளது. இங்கு பங்குனி தேர்த்திருவிழா சிறப்பாக கொண்டாடப்படும். இக்கோவில் திருவிழாவில் பெரிய தேர், சின்னத்தேர் என இரண்டு தேர்களை பக்தர்கள் தலையிலும், தோளிலும் சுமந்து முக்கிய வீதிகள் வழியாக செல்வர்.
இத்தகைய சிறப்புமிக்க இக்கோவிலின் இந்த ஆண்டு  திருவிழா கடந்த 15-ந்தேதி பூச்சொரிதல் விழாவுடன் தொடங்கியது. நேற்று அதிகாலை காப்பு கட்டுதல் நிகழ்ச்சியும், அதனை தொடர்ந்து நேற்று இரவு ஆயிரம் பானைகளில் பொங்கல் வைத்து சிறப்பு வழிபாடு நடைபெற்றது.
தேர் தலையலங்காரம்
விழாவின் முக்கிய நிகழ்ச்சியான திருத்தேர் தலையலங்காரம் நிகழ்ச்சி வருகிற 29-ந் தேதி நள்ளிரவு நடைபெற உள்ளது. இதையடுத்து அனைத்து அரசுத் துறை சார்ந்த அதிகாரிகள் திருவிழாவுக்கான ஏற்பாடுகளை செய்து வருகின்றனர். இந்த நிலையில் நேற்று திருச்சி மாவட்ட போலீஸ் சூப்பிரண்டு சுஜித்குமார் பாதுகாப்பு ஏற்பாடுகளை ஆய்வு செய்தார். சட்டம் ஒழுங்கு பாதிப்பும் ஏற்படாத வகையில் திருவிழாவை நடத்த வேண்டும். தமிழக அரசு அறிவித்துள்ள கொரோனா பாதுகாப்பு விதிமுறைகளை பின்பற்ற வேண்டும் என அறிவுறுத்தினார்.பின்னர் அவர் கோவிலில் தரிசனம் செய்தார். தொடர்ந்து அவர் தேர் செல்லும் முக்கிய வீதிகளை பார்வையிட்டு ஆய்வுசெய்தார்.அவருடன்உதவிகமிஷனர்பால்வண்ணநாதன், முசிறி துணை போலீஸ் சூப்பிரண்டு அருள்மணி மற்றும் போலீசார் இருந்தனர்.