நகை-பணத்தை கொள்ளையடித்த வாலிபர் கைது

விராலிமலை தாலுகா செவனம்பட்டியை சேர்ந்தவர் துரைசவரிமுத்து (வயது 45), இவரது பக்கத்தை வீட்டை சேர்ந்தவர் ஆரோக்கியசாமி. இவர்கள் இருவரின் வீட்டின் பூட்டை உடைத்து நகை-பணத்தை மர்மநபர்கள் கொள்ளையடித்து சென்றனர். இதுகுறித்த புகாரின் பேரில், விராலிமலை போலீசார் வழக்குப்பதிவு செய்து விசாரணை நடத்தி வந்தனர். இந்நிலையில் திருச்சி மாவட்டம், வேம்பனூர் வண்ணாரப்பேட்டையில் சந்தேகப்படும்படி சுற்றித்திரிந்த ஒருவரை பிடித்து வைத்திருப்பதாக அப்பகுதியில் இருந்து விராலிமலை போலீஸ் நிலையத்திற்கு தகவல் வந்தது. 

அதன் பேரில் போலீசார் அங்கு சென்று அவரை பிடித்து விசாரணை நடத்தினர். விசாரணையில், அவர் மதுரை மாவட்டம், மேலூர் தாலுகா பாப்பாகுடிபட்டியைச் சேர்ந்த சந்தோஷ்குமார் (33) என்பதும், அவர் விராலிமலை அருகே உள்ள செவனம்பட்டியில் நடந்த கொள்ளை சம்பவத்தில் தொடர்புடையவர் என்பதும் தெரியவந்தது. இதனையடுத்து சந்தோஷ் குமாரை போலீசார் கைது செய்து விசாரணை நடத்தி வருகின்றனர்.