<
புகார் பெட்டி
புகார் பெட்டியில் மக்கள் அளித்த கோரிக்கை மனு விவரம் வருமாறு
வேகத்தடை வேண்டும்
திருவாரூர் மாவட்டம் புலிவலத்தில் ஆர்.பி.எஸ். நகர் உள்ளது. இந்த நகரில் உள்ள சாலையில் வேகத்தடை அமைக்கப்படவில்லை. இதனால் அந்தப் பகுதியில் வாகனங்களில் வருபவர்கள் அதிவேகமாக சென்று வருகின்றனர். இதன் காரணமாக பொதுமக்கள்,மாணவ-மாணவிகள் சாலையைக் கடக்கும் போது விபத்தில் சிக்கிக் கொள்கின்றனர். அதுமட்டுமின்றி வாகனங்கள் அதிவேகமாக சென்று வருவதால் அந்தப் பகுதியில் உள்ளவர்கள் மிகுந்த சிரமத்துக்குள்ளாகி வருகின்றனர். மேலும், குழந்தைகள், பெரியவர்கள் சாலையில் அச்சத்துடன் நடந்து சென்று வருகின்றனர். எனவே, பொதுமக்கள் மற்றும் மாணவ-மாணவிகளின் நலன் கருதி மேற்கண்ட பகுதியில் வேகத்தடை அமைத்திட சம்பந்தப்பட்ட அதிகாரிகள் நடவடிக்கை எடுப்பார்களா
சேதமடைந்த பாலத்தால் வாகனஓட்டிகள் அவதி
நாகை மாவட்டம் வடுகச்சேரி இருக்கை குதிரை சேவகனார் பாலம் அருகே வடுகச்சேரி தேவூர் சாலையில் குறுக்கே ஒரு பாலம் உள்ளது. இந்த பாலத்தின் வழியாக தினமும் ஏராளமான வாகனங்கள் சென்று வருகின்றன. தற்போது அந்த பாலம் சேதமடைந்து இடிந்த நிலையில் காணப்படுகிறது. இந்த பாலத்தின் அருகே சாலை வளைவாக செல்வதால் அடிக்கடி விபத்துகள் நடந்த வண்ணம் உள்ளன. இதனால் வாகன ஓட்டிகள் மிகவும் அச்சத்துடன் சென்று வருகின்றன. எனவே சம்பந்தப்பட்ட அதிகாரிகள் உரிய நடவடிக்கை எடுத்து பாலத்தை புதிதாக கட்டிதர வேண்டும் என்று பொதுமக்கள் கோரிக்கை விடுத்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
