<
2 விசைப்படகுகளுடன் 16 மீனவர்கள் இலங்கை கடற்படையால் கைது
ராமேசுவரம் மற்றும் மண்டபத்தை சேர்ந்த 2 விசைப் படகுகளுடன் 16 மீனவர்கள் இலங்கை கடற்படையால் கைது செய்யப்பட்டனர்.
ராமேசுவரம்,
ராமேசுவரம் மற்றும் மண்டபத்தை சேர்ந்த 2 விசைப் படகுகளுடன் 16 மீனவர்கள் இலங்கை கடற்படையால் கைது செய்யப்பட்டனர்.
மீன்பிடிப்பு
ராமேசுவரத்தில் இருந்து நேற்று முன்தினம் 600-க்கும் அதிகமான விசைப்படகுகளில் 2000-த்திற்கும் மேற்பட்ட மீனவர்கள் மீன்பிடிக்க கடலுக்கு சென்றனர். மீன் பிடிக்க சென்ற மீனவர்கள் கச்சத்தீவுக்கும்- தனுஷ்கோடிக்கும் இடைப் பட்ட கடல் பகுதியில் மீன்பிடித்து கொண்டிருந்தனர்.
ராமேசுவரம் தங்கச்சிமடம் விக்டோரியா நகர் பகுதியை சேர்ந்த அந்தோணி எடிசன் என்வருக்கு சொந்தமான விசைப்படகில் அந்தோணி லிவிங்ஸ்டன், மெஜோ, மரிய டேனிஸ்டைன், சியோன், ராபர்ட் கிளைவ், கெல்மன்ராஜ், சகாய சுபாஷ், ஜெபமாலை, கிளின்டன், நிலவன், சந்தியா, பிரான்சிஸ் பிரகாஷ் ஆகிய 12 மீனவர்களையும் விசைப் படகையும் எல்லை தாண்டி மீன் பிடித்ததாக கூறி இலங்கை கடற்படையினர் கைது செய்து மன்னார் கடற்படை முகாம் கொண்டு சென்று விசாரணை நடத்தி வருகின்றனர்.
கைது
இதேபோல் மண்டபம் பகுதியில் இருந்து மீன்பிடிக்க சென்ற ஒரு விசைப்படகு மற்றும் 4 மீனவர்களையும் எல்லை தாண்டி மீன் பிடித்ததாக கூறி இலங்கை கடற்படையினர் கைது செய்தனர்.
இலங்கை கடற்படையால் கைது செய்யப்பட்ட ராமேசுவரத்தைச் சேர்ந்த 12 மீனவர்கள் கிளிநொச்சியில் உள்ள நீதிமன்றத்தில் ஆஜர்படுத்தபட்டனர்.
சிறையில் அடைப்பு
அவர்களை நீதிபதி வருகிற ஏப்ரல் மாதம் 7-ந் தேதி வரை யிலும் சிறையில் அடைக்க உத்தரவிட்டதை தொடர்ந்து யாழ்ப்பாண சிறைச்சாலையில் 12 பேர் அடைக்கப்பட்டனர். இதேபோல் மண்டபத்தைச் சேர்ந்த 4 மீனவர்கள் ஊர்காவல் துறை நீதிமன்றத்தில் ஆஜர்படுத்தப்பட்டு யாழ்ப்பாண சிறைச்சாலையில் அடைக்கப்பட்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
