நெல்லை: மோட்டார் சைக்கிள்கள் திருட்டு

நெல்லை:

தூத்துக்குடி மாவட்டம் தெற்கு இலந்தைகுளம் பகுதியை சேர்ந்தவர் தீபன் (வயது 18). இவர் சம்பவத்தன்று மோட்டார் சைக்கிளை பாளையங்கோட்டை முருகன்குறிச்சி பகுதியில் நிறுத்தி விட்டு கடைக்கு சென்றார். சிறிதுநேரம் கழித்து வந்து பார்த்தபோது மோட்டார் சைக்கிளை காணவில்லை. அதனை யாரோ மர்ம நபர் திருடிச் சென்று விட்டது தெரிய வந்தது. இதேபோல் நெல்லை ராமையன்பட்டி பகுதியை சேர்ந்த அருணாசலம் (24) என்பவர் சம்பவத்தன்று மோட்டார் சைக்கிளை கொக்கிரகுளம் அறிவியல் மையம் அருகே நிறுத்தி விட்டு வெளியே சென்றார். பின்னர் சிறிது நேரம் கழித்து வந்து பார்த்தபோது அதனை யாரோ மர்ம நபர் திருடிச் சென்று விட்டனர்.

இதுகுறித்து 2 பேரும் பாளையங்கோட்டை குற்றப்பிரிவு போலீசில் புகார் அளித்தனர். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

இதேபோல் பாளையங்கோட்டை சமாதானபுரம் பகுதியை சேர்ந்த நந்தகுமார் (21) என்பவர் மொபட்டை தியாகராஜ நகர் பகுதியில் நிறுத்தி விட்டு வெளியே சென்றார். பின்னர் சிறிதுநேரம் கழித்து வந்து பார்த்தபோது அதனை யாரோ மர்ம நபர் திருடி சென்று விட்டார். இதுகுறித்து பெருமாள்புரம் குற்றப்பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.