சிறுமியை பலாத்காரம் செய்த வாலிபர் போக்சோவில் கைது

ஜெயங்கொண்டம்:

அரியலூர் மாவட்டம் ஜெயங்கொண்டம் வெள்ளாளர் தெருவை சேர்ந்த ராதாகிருஷ்ணனின் மகன் மனோகரன்(வயது 25). இவருக்கும், பிளஸ்-1 படிக்கும் 16 வயது சிறுமி ஒருவருக்கும் பழக்கம் ஏற்பட்டதாக தெரிகிறது. இந்நிலையில் அச்சிறுமியின் வீட்டில் யாரும் இல்லாத சந்தர்ப்பத்தை பயன்படுத்திய மனோகரன் அந்த சிறுமியை பாலியல் பலாத்காரம் செய்ததோடு, தொடர்ந்து துன்புறத்தியதாக கூறப்படுகிறது.

இந்நிலையில் சிறுமி வயிற்றுவலியால் அவதிப்பட்டுள்ளார். இதுபற்றி சிறுமியிடம் பெற்றோர்கள் கேட்டபோது நடந்த சம்பவத்தை கூறியுள்ளார். இதையடுத்து ஜெயங்கொண்டம் அனைத்து மகளிர் போலீஸ் நிலையத்தில் சிறுமியின் பெற்றோர் அளித்த புகாரின்பேரில் இன்ஸ்பெக்டர் சுமதி, போக்சோ சட்டத்தின் கீழ் வழக்குப்பதிவு செய்து, மனோகரனை கைது செய்து விசாரித்து வருகிறார்.