மானூர் அருகே மொபட்டில் இருந்து தவறி விழுந்த பெண் பலி

மானூர்:

மானூர் அருகே வடக்கு வாகைகுளத்தைச் சேர்ந்தவர் பெரியசாமி (வயது 37). விவசாயி. இவருடைய மனைவி மாரியம்மாள் (32). இவர்களுக்கு 3 குழந்தைகள் உள்ளனர். நேற்று காலையில் பெரியசாமி தன்னுடைய மனைவி, குழந்தைகளுடன் மொபட்டில் சென்று, தெற்கு வாகைகுளம் அருகே சிற்றாற்றில் குளித்தார். பின்னர் அவர்கள் அங்கிருந்து மொபட்டில் தங்களது வீட்டுக்கு திரும்பி சென்று கொண்டிருந்தனர். அப்போது மாரியம்மாள் எதிர்பாராதவிதமாக மொபட்டில் இருந்து தவறி சாலையில் விழுந்தார்.

இதில் தலையில் பலத்த காயமடைந்த அவரை மீட்டு சிகிச்சைக்காக 108 ஆம்புலன்ஸ் மூலம் உக்கிரன்கோட்டை அரசு ஆரம்ப சுகாதார நிலையத்துக்கு கொண்டு சென்றனர். அங்கு  அவரை பரிசோதித்த டாக்டர்கள் ஏற்கனவே மாரியம்மாள் இறந்ததாக தெரிவித்தனர்.

இதுகுறித்து தகவல் அறிந்ததும் மானூர் போலீசார் விரைந்து சென்று, மாரியம்மாளின் உடலை கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.