தொழிலாளி விஷம் குடித்து தற்கொலை

திருவட்டார்:

திருவட்டார் அருகே உள்ள செறுகோலை சேர்ந்தவர் வினோத் (வயது42), தொழிலாளி. இவர் ஜாஸ்மின் (40) என்பவரை காதலித்து திருமணம் செய்தார். இவர்களுக்கு 10 வயதில் ஒரு மகள் உண்டு. 

இந்த நிலையில், வினோத் வங்கி கடன் வாங்கி வீடு கட்டியுள்ளார். ஆனால், கடனை அடைக்க முடியாததால் வீட்டை வங்கி ஏலம் விடும் நிலை ஏற்பட்டுள்ளது. இதனால் மனமுடைந்த வினோத் சம்பவத்தன்று வீட்டில் விஷம் குடித்து மயங்கி விழுந்தார். அவரை அக்கம் பக்கத்தினர் மீட்டு ஆசாரிபள்ளம் அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி நேற்று வினோத் பரிதாபமாக இறந்தார். இதுகுறித்து திருவட்டார் போலீல் சப்- இன்ஸ்பெக்டர் ஜெயக்குமார் வழக்கு பதிவு செய்து விசாரணை நடத்தி வருகிறார்.

----