தினத்தந்தி புகார் பெட்டி

திருச்சி மாநகராட்சி 47-வது வார்டு இந்திரா நகரில் இருந்து வெங்கடேஸ்வராநகர், ஐஸ்வர்யா எஸ்டேட், மொராய்ஸ் கார்டன் ரன்வேநகர் செல்லும் வழியில் சாலையோரம் குப்பைகள் குவிந்து கிடக்கிறது. இதனால் கடும் துர்நாற்றம் வீசுகிறது. அத்துடன் குப்பையில் உள்ள உணவு கழிவுகளை திண்பதற்காக தெருநாய்கள் சண்டையிட்டுக்கொண்டு, அந்த வழியாக செல்வோரை விரட்டி கடிக்கிறது. எனவே குப்பைகளை வீதியில் கொட்டாமல் இருக்க மாநகராட்சி அதிகாரிகள் நடவடிக்கை எடுக்க வேண்டும்.

ரவிக்குமார், வெங்கடேஸ்வரா நகர், திருச்சி. 

திருச்சி அரியமங்கலம் மந்தையிலிருந்து அடைக்கல மாதா கோவில் சாலை மிகவும் மோசமாக மண் சாலைபோல் காட்சி அளிக்கிறது. மேலும் சாலையில் ஆங்காங்கே குண்டும், குழியுமாக உள்ளதால் வாகன ஓட்டிகள் பெரிதும் அவதிப்பட்டு வருகின்றனர். குறிப்பாக இரவு நேரத்தில் இருசக்கர வாகனத்தில் செல்பவர்கள் சாலையில் பள்ளம் இருப்பது தெரியாமல் பள்ளத்தில் வாகனத்தை விட்டு நிலைதடுமாறி கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இதனை தார் சாலையாக மாற்ற வேண்டும் என கேட்டுக்கொள்கிறோம். 

சரவணன், அரியமங்கலம், திருச்சி.