தினத்தந்தி புகார் பெட்டி

 மின்கம்பம் சீரமைக்கப்படுமா?

தஞ்சை மாவட்டம் அம்மாப்பேட்டை மேட்டுதெரு அருகே சேதமடைந்த நிலையில் மின்கம்பம் ஒன்று உள்ளது. இந்த மின்கம்பத்தில் உள்ள சிமெண்டு காரைகள் பெயர்ந்து இரும்பு கம்பிகள் வெளியே தெரிகின்றன. மேலும், மின்கம்பத்தில் இருந்து செல்லும் மின்சார கம்பிகள் ஒன்றோடு ஒன்று உரசியபடி செல்கிறது. இதனால் காற்றுவீசும் போது மின்கம்பிகளில் இருந்து தீப்பொறி வெளியாகின்றன. அதுமட்டுமின்றி மின்கம்பத்துக்கு அருகே வளர்ந்துள்ள மரங்களின் கிளைகளும் மின்கம்பிகளுடன் சிக்கிகொள்கின்றன. இதனால் மின்கம்பம் உள்ள பகுதியை பொதுமக்கள் அச்சத்துடன் கடந்து சென்று வருகின்றனர். எனவே, அசம்பாவிதம் எதுவும் ஏற்படும் முன் சம்பந்தப்பட்ட அதிகாரிகள் மின்கம்பத்தை சீரமைக்கவும், மின்கம்பிகளை சீர்படுத்தவும் நடவடிக்கை எடுப்பார்களா?           

  -பாபு, அம்மாப்பேட்டை.