<
மொபட் மீது கார் மோதியதில் 2 பேர் பலி
மொபட் மீது கார் மோதியதில் 2 பேர் பரிதாபமாக இறந்தனர்.
மீன்சுருட்டி:
கார் மோதியது
அரியலூர் மாவட்டம் மீன்சுருட்டி அருகே உள்ள பாப்பாக்குடி பெரிய தெருவை சேர்ந்தவர் ராமதாஸ் (வயது 45). கட்டிட அலங்கார வேலைபாடுகள் செய்யும் தொழில் செய்து வந்தார். அதே தெருவை சேர்ந்தவர் அம்பேத்கர்(65). கூலி தொழிலாளி.
நேற்று ராமதாஸ் தனது மொபட்டில் அம்பேத்கருடன் மேலணிக்குழியில் உள்ள டாஸ்மாக் கடைக்கு சென்றுவிட்டு மீண்டும் ஊருக்கு திரும்பி வந்து கொண்டிருந்தார். சென்னை-கும்பகோணம் தேசிய நெடுஞ்சாலையில் பாப்பாக்குடி பவர்கிரீடு அருகே வந்தபோது எதிரே வந்த கார், மொபட் மீது மோதியது.
2 பேர் சாவு
இதில் பலத்த காயமடைந்த 2 பேரும் சம்பவ இடத்திலேயே பரிதாபமாக இறந்தனர். மேலும் காரை ஓட்டி வந்த சென்னை விருகம்பாக்கம் பகுதியை சேர்ந்த நாகநாதன்(67), அவரது மனைவி ரேவதி(59) ஆகியோர் பலத்த காயமடைந்தனர்.
அவர்களை அக்கம், பக்கத்தினர் மீட்டு மீன்சுருட்டி அரசு ஆரம்ப சுகாதார நிலையத்திற்கு சிகிச்சைக்காக அனுப்பி வைத்தனர்.
போலீசார் விசாரணை
மேலும் இதுகுறித்து தகவல் அறிந்த மீன்சுருட்டி போலீசார் சம்பவ இடத்திற்கு சென்று இறந்தவர்களின் உடலை கைப்பற்றி பிரேத பரிசோதனைக்காக ஜெயங்கொண்டம் அரசு மருத்துவமனைக்கு அனுப்பி வைத்தனர். இதையடுத்து இந்த விபத்து குறித்து வழக்குப்பதிவு செய்து விசாரணை நடத்தி வருகின்றனர்.
விபத்தில் 2 பேர் உயிரிழந்த சம்பவம் பாப்பாக்குடி பகுதியில் சோகத்தை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
