<
வெண்டைக்காய் விலை குறைவு
குடிமங்கலம் பகுதியில் வெண்டைக்காய் அறுவடை பணிகள் தீவிரமாக நடைபெற்று வருகிறது.
குடிமங்கலம்,
குடிமங்கலம் பகுதியில் வெண்டைக்காய் அறுவடை பணிகள் தீவிரமாக நடைபெற்று வருகிறது.
வெண்டைக்காய் சாகுபடி
குடிமங்கலம் பகுதியில் தென்னை விவசாயம் அதிக அளவில் நடைபெறுகிறது. நிரந்தர வருமானம், சொட்டுநீர் பாசன முறையில் தண்ணீர் பாய்ச்சுதல், மதிப்புக்கூட்டுப்பொருளாக மாற்றுதல் போன்ற பல்வேறு காரணங்களால் விவசாயிகள் தென்னை சாகுபடியில் ஆர்வம் காட்டி வந்தனர். தென்னை சாகுபடி ஆண்டு பயிர் என்பதால் வறட்சியான காலங்களில் தேங்காய் உற்பத்தி பாதிக்கப்படுகிறது. இதனை கருத்தில் கொண்டு விவசாயிகள் கிணற்று நீரை பயன்படுத்தி குறைந்த கால பயிர்களை சாகுபடி செய்யும் நிலைக்கு மாறியுள்ளனர்.
தற்போது குடிமங்கலம் பகுதியில் கிணற்றுப்பாசனம் மூலம் தக்காளி, மிளகாய், வெண்டைக்காய் சாகுபடி செய்யப்படுகிறது. தக்காளி, மிளகாய் போன்று சந்தையில் அதிக அளவு விற்பனை ஆகக்கூடிய பயிராக வெண்டைக்காயும் உள்ளது. சமையலில் அதிக அளவு பயன்படுகிறது. இதனால் இவற்றின் தேவை அதிகமாக உள்ளது. விவசாயிகள் தற்போது தனிப்பயிராக வெண்டைக்காய் பயிரிட்டு வருகின்றனர்.
விலை குறைவு
வெண்டைக்காய் சாகுபடி முறை குறித்து விவசாயி ஒருவர் கூறியதாவது:- வெண்டைக்காய் அனைத்து மண்ணிலும் சாகுபடி செய்யலாம். ஆண்டு முழுவதும் பயிரிடப்படுகிறது. நாட்டுக்காய் 120 நாட்கள் மகசூல் கொடுக்கும். வீரிய ரக வெண்டைக்காய் 80 நாட்கள் மட்டுமே மகசூல் கொடுக்கும். நாட்டுரக வெண்டைக்காயை சிறியதாக இருந்தாலும் அதிகமான எடை இருக்கும்.
நாட்டு ரக வெண்டைக்காய்களில் பூச்சி தாக்குதல் குறைவாக இருக்கும். விதைத்த 40ம் நாள் முதல் காய்கள் பறிப்பதற்கு தயாராகிவிடும். ஒரு நாள் விட்டு ஒரு நாள் காய் பறிக்கலாம்.
அரை ஏக்கர் நிலத்தில் முதல் பறிப்பாக 10 கிலோ, அடுத்தபடியாக 25 கிலோ, அதற்கடுத்தபடியாக 60 கிலோ என மகசூல் அதிகரித்துக் கொண்டே போகும். மொத்தம் 60 பறிப்புகள் வெண்டைக்காய்கள் பறிக்கலாம். நாட்டு ரக வெண்டைக்காய் பறிப்புக்கு வந்ததில் இருந்து 120 நாட்கள் வரை காய்க்கும். வெண்டைக்காய் பறிப்பதற்கு கூலியாட்கள் பற்றாக்குறை நிலவி வருகிறது.
இந்த நிலையில் தற்போது வெண்டைக்காய் விலை குறைந்து காணப்படுகிறது. இதனால் அதனை சாகுபடி செய்த விவசாயிகளுக்கு நஷ்டம் ஏற்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
