<
பெண் கொலையில் மகள் உள்பட 3 பேர் கைது
தூத்துக்குடியில் பெண் கொலையில் அவருடைய மகள் 17 வயது மகள் உள்பட 3 பேரை போலீசார் கைது செய்தனர்.
தூத்துக்குடி:
தூத்துக்குடியில் பெண் கொலையில் அவருடைய 17 வயது மகள் உள்பட 3 பேரை போலீசார் கைது செய்தனர்.
பெண் கொலை
தூத்துக்குடியை சேர்ந்த 35 வயது பெண், கணவருடன் ஏற்பட்ட கருத்து வேடுபாடு காரணமாக தனது 2 மகள், 1 மகனுடன் தனியாக வசித்து வந்தார்.
இந்த நிலையில் அந்த பெண் தனது மூத்த மகளான 17 வயது சிறுமியை பாலியல் தொழிலில் ஈடுபடுத்த முயற்சி செய்ததாக கூறப்படுகிறது.
இதில் ஆத்திரம் அடைந்த சிறுமி தனது ஆண் நண்பர்களுடன் சேர்ந்து தாயை கழுத்தை நெரித்தும், கத்தியால் குத்தியும் கொலை செய்தார்.
3 பேர் கைது
இதுகுறித்து தூத்துக்குடி தென்பாகம் போலீசார் வழக்குப்பதிவு செய்து விசாரணை நடத்தினர்.
தொடர்ந்து அந்த சிறுமி மற்றும் அவரது நண்பர் முத்தையாபுரத்தை சேர்ந்த கண்ணன் (வயது 22) ஆகியோரை நேற்று முன்தினம் இரவு போலீசார் கைது செய்தனர். மற்ற நண்பர்களான முள்ளக்காட்டை சேர்ந்த தங்ககுமார் (28), கோரம்பள்ளத்தை சேர்ந்த காட்டுராஜா மகன் முத்து என்ற கோடாங்கி (23) ஆகியோரை தேடி வந்தனர்.
இந்த நிலையில் கோடாங்கியை போலீசார் நேற்று கைது செய்தனர். தொடர்ந்து தங்ககுமாரை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
