மது விற்றவர் கைது

கீழப்பழுவூர்:

அரியலூர் மாவட்டம் திருமானூர் ஒன்றியத்திற்கு உட்பட்ட வடுகபாளையம் கிராமத்தில் கீழப்பழுவூர் சப்- இன்ஸ்பெக்டர் செந்தில்நாதன் தலைமையிலான போலீசார் ரோந்து பணியில் ஈடுபட்டனர். அப்போது அங்கு சட்டவிரோதமாக மது விற்பனை செய்யப்படுவதாக கிடைத்த தகவலின்பேரில் போலீசார் அங்கு சென்று விசாரணை நடத்தினர். இதில், வடுகபாளையம் கிராமத்தை சேர்ந்த ரமேஷ்(வயது 36) மது விற்றது தெரியவந்தது. இது குறித்து வழக்குப்பதிவு செய்து, அவரை கைது செய்து, அவரிடம் இருந்த 35-க்கும் மேற்பட்ட மதுபாட்டில்களை பறிமுதல் செய்தனர். பின்னர் அவரை அரியலூர் கோர்ட்டில் ஆஜர்படுத்தி சிறையில் அடைத்தனர்.