கத்தியால் வெட்டி இரும்பு வியாபாரியிடம் பணம் பறிப்பு

செங்கல்பட்டு மாவட்டம் மண்ணிவாக்கம் வண்டலூர்-வாலாஜாபாத் மெயின் ரோடு பகுதியை சேர்ந்தவர் பரமசிவம்(வயது 35). இவர் அதே பகுதியில் பழைய இரும்பு, பேப்பர் கடை வைத்து வியாபாரம் செய்து வருகிறார். இந்த நிலையில் நேற்று காலை மண்ணிவாக்கம் பகுதியை சேர்ந்த முகமது அல்தாப் என்கிற சுப்பு(வயது 23) என்பவர் கடைக்கு வந்து பரமசிவனிடம் கத்தியை காட்டி மிரட்டி பணம் கேட்டுள்ளார். அதற்கு பரமசிவம் தர மறுத்ததால் கத்தியால் பரமசிவத்தை வெட்டி விட்டு அவரிடம் இருந்து ரூ.2 ஆயிரத்தை பறித்து கொண்டார். வியாபாரி பரமசிவம் கூச்சலிட்டு கத்தியதால் அங்கிருந்து சுப்பு தப்பி ஓடிவிட்டார்.

இது குறித்து பரமசிவம் ஓட்டேரி போலீசில் புகார் செய்தார். போலீசார் வழக்குப்பதிவு செய்து வியாபாரியை கத்தியால் வெட்டி பணம் பறித்த முகமது அல்தாப் என்கிற சுப்புவை வலைவீசி தேடி வருகின்றனர்.