கஞ்சா விற்ற 2 வாலிபர்கள் கைது

புதுக்கோட்டை மாவட்டத்தில் கஞ்சா விற்பனையை தடுக்கும் வகையில், மாவட்ட போலீஸ் சூப்பிரண்டு நிஷா பார்த்திபன் தலைமையில் தனிப்படை அமைக்கப்பட்டு ஆங்காங்கே கஞ்சா விற்பனையில் ஈடுபட்டவர்களை போலீசார் கைது செய்து வருகின்றனர். அந்த வகையில் வடகாடு பகுதியில் கஞ்சா விற்பனை நடைபெறுவதாக தனிப்படை போலீசாருக்கு ரகசிய தகவல் கிடைத்தது. ேமலும், வடகாடு விநாயகம்பட்டியில் உள்ள கணேசன் என்பவர் வீட்டில் கஞ்சா பதுக்கி வைத்து இருப்பதாக தகவல் கிடைத்தது. தகவலின் பேரில், போலீசார் அங்கு சென்ற போது கணேசன் (வயது 25), அவரது நண்பர் ஈஸ்வரன் (22) ஆகியோர் விநாயகம்பட்டியில் நின்று கொண்டிருந்தனர். இதையடுத்து போலீசார் அவர்களை பிடித்து விசாரணை நடத்தியதில் கஞ்சா விற்பனை செய்தது தெரியவந்தது. இதையடுத்து 2 பேரையும் கைது செய்து, அவர்களிடமிருந்து 50 கிராம் எடையுள்ள 13 கஞ்சா பாக்கெட்டுகளை பறிமுதல் செய்தனர்.