ஓடும் பஸ்சில் மூதாட்டியிடம் 3 பவுன் தங்கச்சங்கிலி பறிப்பு

புதுக்கோட்டை அருகே வெள்ளனூர் பகுதியை சேர்ந்தவர் கனகம்மாள் (வயது 70). இவர் நேற்று  வெள்ளனூரில் இருந்து புதுக்கோட்டைக்கு அரசு பஸ்சில் பயணம் செய்தார். பஸ் புதுக்கோட்டை தலைமை தபால் நிலையம் அருகே வந்த போது கனகம்மாளின் கழுத்தில் கிடந்த 3 பவுன் தங்கச்சங்கிலியை மர்மநபர்கள் பறித்து சென்றனர். இது குறித்து டவுன் போலீஸ் நிலையத்தில் கனகம்மாள் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.