மாநில அளவிலான நீச்சல் போட்டி

விருதுநகர், 

விருதுநகர் செந்தில்குமார் கல்லூரியில் மாநில அளவிலான நீச்சல் போட்டிகள் நடைபெற்றது. இதில் தமிழகம் முழுவதும் உள்ள 78 பள்ளிகள் மற்றும் 28 கல்லூரிகளை சேர்ந்த 500-க்கும் மேற்பட்ட மாணவ- மாணவிகள் கலந்து கொண்டனர். மாவட்ட விளையாட்டு அலுவலர் ராஜா போட்டிகளை தொடங்கி வைத்தார் போட்டிகள் டைம் டிரெயில் முறையில் நடைபெற்றது. வெற்றி பெற்ற மாணவ-மாணவிகளுக்கு வி.எஸ்.வி.என். பாலிடெக்னிக்கல்லூரி முன்னாள் செயலாளர் நாராயண மூர்த்தி சான்றிதழ் மற்றும் பதக்கங்களை வழங்கினார். புள்ளிகளின் அடிப்படையில் பள்ளிகள் பிரிவில் ஆண்கள் மற்றும் பெண்களுக்கான சுழற் கோப்பைகளை வடக்கன்குளம் பாலகிருஷ்ணா மெட்ரிக் மேல்நிலைப்பள்ளி மாணவ-மாணவிகள் பெற்றனர். கல்லூரிகளுக்கான பிரிவில் ஆண்களுக்கான சுழற் கோப்பையை சென்னை பார்ட்டீஷியன் கலைக்கல்லூரி மாணவர்களும், பெண்களுக்கான சுழற்கோப்பையை தூத்துக்குடி வ.உ.சி. கல்லூரி மாணவிகளும் பெற்றனர்.