<
துணை வட்டார வளர்ச்சி அலுவலர் லாரி மோதி பலி
நெமிலி துணை வட்டார வளர்ச்சி அலுவலர் லாரி மோதி பலியானார்.
நெமிலி
நெமிலி துணை வட்டார வளர்ச்சி அலுவலர் லாரி மோதி பலியானார்.
நெமிலி வட்டார வளர்ச்சி அலுவலகத்தில் துணை வட்டார வளர்ச்சி அலுவலராக பணியாற்றி வந்தவர் ஜானகிராமன் (வயது 41). இவருக்கு கடந்த 2 ஆண்டுகளுக்கு முன்பு திருமணம் ஆன நிலையில் மனைவி நிரோஷாவுடன் காஞ்சீபுரம் பிள்ளையார்பாளையம் பகுதியில் குடியிருந்து, தினமும் நெமிலிக்கு மோட்டார்சைக்கிளில் வந்து சென்றார். வழக்கம் போல் பணிக்கு வந்தவர் மதியத்துக்கு பிறகு உடல் நிலை சரியில்லை என கூறி அனுமதி பெற்று வீட்டுக்கு புறப்பட்டார்.
இந்நிலையில் பள்ளூர் அடுத்த கம்மார்பாளையம் அருகே சென்றபோது ஜானகிராமன் சென்ற மோட்டார் சைக்கிள் மீது லாரி மோதியதில் அவர் தூக்கி வீசப்பட்டார். இதில் ரத்த வெள்ளத்தில் துடிதுடித்து சம்பவ இடத்திலேயே ஜானகிராமன் இறந்து விட்டார். இது குறித்து போலீசார் வழக்குப்பதிவு செய்து ஜானகிராமனின் உடலை பிரேத பரிசோதனைக்காக காஞ்சீபுரம் அரசு மருத்துவமனைக்கு அனுப்பி வைத்தனர். மேலும் இது குறித்து வழக்கு பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
