<
ஆற்றில் மூதாட்டி பிணம்
திருமருகல் அருகே ஆற்றில் மூதாட்டி ஒருவர் பிணமாக கிடந்தார். இவர் யார்? என போலீசார் விசாரணை நடத்தி வருகின்றனர்.
திட்டச்சேரி:
திருமருகல் அருகே ஆற்றில் மூதாட்டி ஒருவர் பிணமாக கிடந்தார். இவர் யார்? என போலீசார் விசாரணை நடத்தி வருகின்றனர்.
ஆற்றில் பிணம்
திருமருகல் ஒன்றியம் பரமநல்லூர், அகலங்கன் பாலம் இடையே அரசலாற்றில் அடையாளம் தெரியாத 65 வயது மதிக்கத்தக்க மூதாட்டி ஒரு வர் பிணமாக கிடந்துள்ளார். இதை அந்த வழியாக சென்ற பொதுமக்கள் பார்த்து திருக்கண்ணபுரம் போலீசாருக்கு தகவல் தெரிவித்தனர்.
அதன்பேரில் போலீஸ் சப்-இன்ஸ்பெக்டர் இரணியன் மற்றும் போலீசார், திருமருகல் தீயணைப்பு படையினர் சம்பவ இடத்துக்கு வந்து ஆற்றில் இருந்து மூதாட்டியின் உடலை மீட்டு நாகை அரசு மருத்துவக்கல்லூரி ஆஸ்பத்திரிக்கு பிரேத பரிசோதனைக்காக அனுப்பி வைத்தனர். பிணமாக கிடந்த மூதாட்டி நீலம், சிகப்பு நிறம் கலந்த சேலை அணிந்திருந்தார்.
போலீசார் விசாரணை
இதுகுறித்து திருக்கண்ணபுரம் போலீசார் வழக்குப்பதிவு செய்து ஆற்றில் பிணமாக கிடந்த மூதாட்டி யார்?, எந்த ஊரை சேர்ந்தவர்?, இவர் ஆற்றில் தவறி விழுந்து இறந்தாரா? அல்லது தற்கொலை செய்து கொண்டாரா?. யாராவது இவரை கொலை செய்து உடலை ஆற்றில் வீசி சென்றனரா? என பல்வேறு கோணங்களில் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
