கம்யூனிஸ்டு மாணவர் அமைப்பினர் ஆர்ப்பாட்டம்

திருச்சி, ஏப்.5-
பெட்ரோல், டீசல் மற்றும் சமையல் கியாஸ் சிலிண்டர் விலை உயர்வை கண்டித்து மார்க்சிஸ்ட் கம்யூனிஸ்டு கட்சி திருச்சி மாநகர் மாவட்டம் மாணவர் அரங்கம் கிளை சார்பில் திருச்சி டி.வி.எஸ். டோல்கேட் பெட்ரோல் பங்கு முன்பு நேற்று ஆர்ப்பாட்டம் நடைபெற்றது. ஆர்ப்பாட்டத்துக்கு கிளை செயலாளர் ஹரி ராமசந்திரன் தலைமை தாங்கினார். இதில் மோட்டார் சைக்கிள்களுக்கு மாலை அணிவித்து மத்திய அரசுக்கு எதிராக கோஷம் எழுப்பினர். இதில் மாணவர் அமைப்பினர் பலர் கலந்து கொண்டனர்.