விபத்தில் ஒருவர் பலி

விருதுநகர்,

விருதுநகர் பாத்திமா நகரை சேர்ந்தவர் அந்தோணி ராஜ் (வயது52). தனியார் நிறுவனத்தில் வெல்டிங் வேலை பார்க்கும் இவர் கோபால் ரோட்டில் நடந்து வந்து கொண்டிருந்த போது அந்த வழியாக வந்த மினி பஸ் மோதியதில் அந்தோணி ராஜ் படுகாயம் அடைந்தார். பின்னர் அவர் விருதுநகர் அரசு ஆஸ்பத்திரியில் சிகிச்சைக்காக சேர்க்கப்பட்டு சிகிச்சை பலனளிக்காமல் பரிதாபமாக இறந்தார். இதுபற்றி அவரது மனைவி செல்லம்மாள் கொடுத்த புகாரின் பேரில் பஜார் போலீசார் வழக்குப்பதிவு செய்து விசாரணை மேற்கொண்டுள்ளனர்.