<
கொத்தனார் விபத்தில் பலி
வாழப்பாடி அருகே கொத்தனார் விபத்தில் பலியானார்.
வாழப்பாடி:-
வாழப்பாடி அருகே உள்ள மேற்கு ராஜபாளையம் பகுதியை சேர்ந்தவர் தீபக் (வயது 22), கொத்தனார். இவர் அயோத்தியாப்பட்டணம் பகுதியில் வேலை பார்த்து விட்டு நேற்று இரவு தனது மோட்டார் சைக்கிளில் வீட்டுக்கு திரும்பி வந்து கொண்டிருந்தார். மேட்டுப்பட்டி அருகே வந்த போது பின்னால் வந்த அடையாளம் தெரியாத வாகனம் மோதியது. இந்த விபத்தில் தீபக் சம்பவ இடத்திலேயே பரிதாபமாக பலியானார். இதுகுறித்து தகவலறிந்த வாழப்பாடி போலீசார் சம்பவ இடத்திற்கு விரைந்து சென்று தீபக்கின் உடலை மீட்டு சேலம் அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். கொத்தனார் தீபக் மீது மோதிய அடையாளம் தெரியாத வாகனம் குறித்து வாழப்பாடி போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
