விபத்தில் 5 பேர் படுகாயம்

சாத்தூர், 

சாத்தூர் தாலுகா ஒ.மேட்டுப்பட்டியை சேர்ந்தவர் சுப்புராஜ் (வயது 59). அரசு பஸ் டிரைவரான இவர் கோவில்பட்டியில் இருந்து பயணிகளை ஏற்றிக்கொண்டு வந்து கொண்டு இருந்தார். அப்போது பஸ் மீனாட்சிபுரம் விளக்கு அருகே வந்து கொண்டிருந்த போது பின்னால் வந்த லாரி மோதியது. இந்த விபத்தில் லாரி டிரைவர், பஸ் பயணிகள் உள்பட 5 பேர் படுகாயம் அடைந்தனர். இவர்களை அருகில் இருந்தவர்கள் மீட்டு கோவில்பட்டி அரசு மருத்துவமனையில் சிகிச்சைக்காக சேர்த்தனர். இந்த விபத்தினால் அப்பகுதியில் சிறிது நேரம் ேபாக்குவரத்து பாதிக்கப்பட்டது. இந்த விபத்து குறித்து சுப்புராஜ் அளித்த புகாரின் பேரில் இருக்கன்குடி போலீசார் வழக்குப்பதிவு செய்து விசாரணை நடத்தி வருகின்றனர்.