<
பருவதமலை கோவில் உண்டியலை உடைத்து பணம் திருட்டு
கலசபாக்கம் அருகே பருவதமலையில் உள்ள கோவில் உண்டியலை உடைத்து பணத்தை திருடி சென்ற மர்ம நபர்களை போலீசார் தேடி வருகின்றனர்.
கலசபாக்கம்
கலசபாக்கம் அருகே பருவதமலையில் உள்ள கோவில் உண்டியலை உடைத்து பணத்தை திருடி சென்ற மர்ம நபர்களை போலீசார் தேடி வருகின்றனர்.
பருவதமலை கோவில்
திருவண்ணாமலை மாவட்டம் கலசபாக்கம் தாலுகாவுக்கு உட்பட்ட தென்மகாதேவமங்கலம் கிராமத்தில் பிரசித்தி பெற்ற பருவதமலை உச்சியில் மல்லிகார்ஜுனர் உடனுறை பிரம்மராம்பிகை கோவில் உள்ளது.
இக்கோவிலுக்கு பவுர்ணமி நாட்களை தவிர அனைத்து நாட்களிலும் பல்வேறு மாவட்டங்கள் மற்றும் பல்வேறு மாநிலங்களில் இருந்தும் பக்தர்கள் அதிகளவு வந்து செல்கின்றனர்.
இந்த கோவிலில் சாமி சன்னதி முன்பு பக்தர்களின் காணிக்கை உண்டியல் வைக்கப்பட்டுள்ளது. இந்த உண்டியலை அடிக்கடி மர்மநபர்கள் உடைத்து அதில் உள்ள பணத்தை திருடி சென்று விடுகின்றனர்.
உண்டியலை உடைத்து பணம் திருட்டு
இதேபோல் நேற்று இரவு கோவில் உண்டியலை மர்ம நபர்கள் உடைத்து அதில் இருந்த பணத்தை திருடி சென்றுள்ளனர்.
இதுகுறித்து பக்தர்கள் கூறுகையில் பருவதமலையில் வைக்கப்பட்டுள்ள உண்டியலில் பக்தர்கள் அதிகமாக காணிக்கை செலுத்தி வருகின்றனர்.
இதனை நோட்டமிட்ட மர்ம நபர்கள் அடிக்கடி உண்டியலை உடைத்து பணத்தை திருடி செல்கின்றனர். தற்போது உடைக்கப்பட்டு உள்ள உண்டியல் வெளியில் தெரியாமல் இருக்க காடா துணி மூலம் மூடி வைக்கப்பட்டுள்ளது.
மேலும் உண்டியலில் இருந்து எவ்வளவு பணம் திருட்டு போயுள்ளது என்பது தெரியவில்லை. எனவே, சம்பந்தப்பட்ட அதிகாரிகள் நடவடிக்கை எடுத்து தொடர்ந்து இதுபோன்ற சம்பவத்தை தடுக்கும் வகையில் கண்காணிப்பு கேமராக்கள் அமைத்து கண்காணிக்க வேண்டும் என்றனர்.
இந்த சம்பவம் குறித்து கடலாடி போலீசார் விசாரணை நடத்தி வருகின்றனர்.
மேலும் உண்டியலை உடைத்து பணம் திருடி சென்ற மர்ம நபர்களை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
