காவல்காரன்பட்டியில் நாளை மின்சாரம் நிறுத்தம்

கரூர் மின்பகிர்மான வட்டம், குளித்தலை கோட்டத்திற்குட்பட்ட காவல்காரன்பட்டி துணைமின்நிலையத்தில் நாளை (செவ்வாய்க்கிழமை) திறன் மின்மாற்றியில் மிக அவசர பழுது நீக்க பணி மேற்கொள்ளப்பட உள்ளது. அதன் காரணமாக இந்த துணை மின் நிலையத்தில் இருந்து மின்வினியோகம் பெறும் பகுதிகளான பொம்மநாயக்கன்பட்டி, ராஜன்காலனி, காவல்காரன்பட்டி, கீழவெளியூர், கல்லடை, மேலவெளியூர், ஆர்.டி.மலை, புழுதேரி, இடையப்பட்டி, பில்லூர், சின்னபனையூர் மற்றும் பாதிரிப்பட்டி ஆகிய கிராம பகுதிகளில் காலை 9 மணி முதல் மாலை 5 மணி வரை மின்சார வினியோகம் இருக்காது என்று மின்வாரிய அதிகாரிகள் தெரிவித்து உள்ளனர்.