பள்ளி வேன் டிரைவர் தூக்குப்போட்டு தற்கொலை

திருச்சி:

திருச்சி புத்தூர் மதுரைவீரன்சாமி கோவில் தெருவை சேர்ந்தவர் கனகராஜ் (வயது 58). இவர் தென்னூரில் உள்ள தனியார் பள்ளி ஒன்றில் வேன் டிரைவராக வேலை பார்த்து வந்தார். நேற்று மாலை வீட்டில் இருந்த கனகராஜ் தான் மனவேதனையில் இருப்பதாக கூறி புலம்பி கொண்டு இருந்துள்ளார். இதையடுத்து அவரது மனைவி வீட்டில் இருந்து வெளியே சென்று வாசலில் அமர்ந்துள்ளார். சிறிதுநேரம் கழித்து வந்து பார்த்தபோது, வீட்டிற்குள் கனகராஜ் தூக்குப்போட்டு தொங்கினார். இதனால் அதிர்ச்சி அடைந்த அவரது மனைவி உள்ளிட்டோர், அவரை மீட்டு திருச்சி அரசு மருத்துவமனைக்கு சிகிச்சைக்காக கொண்டு சென்றனர். அங்கு அவரை டாக்டர்கள் பரிசோதித்துவிட்டு அவர் இறந்து விட்டதாக தெரிவித்தனர். இது குறித்து அரசு மருத்துவமனை போலீசார் வழக்குப்பதிவு செய்து விசாரணை நடத்தி வருகிறார்கள். இறந்த கனகராஜுக்கு மனைவி மற்றும் ஒரு மகன், ஒரு மகள் உள்ளனர் என்பது குறிப்பிடத்தக்கது.