<
குடியாத்தம் கெங்கையம்மன் கோவில் சிரசுவிழாவை முன்னிட்டு பால் கம்பம் நடப்பட்டது
குடியாத்தம் கெங்கையம்மன் கோவில் சிரசு விழாவை முன்னிட்டு பால் கம்பம் நடும் நிகழ்ச்சி நடந்தது.
குடியாத்தம்
குடியாத்தம் கெங்கையம்மன் கோவில் சிரசு விழாவை முன்னிட்டு பால் கம்பம் நடும் நிகழ்ச்சி நடந்தது.
பால் கம்பம் நடப்பட்டது
தமிழகத்தில் மிகவும் பிரபலமான திருவிழாக்களில் குடியாத்தம் கெங்கையம்மன் கோவில் சிரசு திருவிழா முக்கியமான ஒன்றாகும். இந்த ஆண்டுக்கான கெங்கையம்மன் கோவில் சிரசு திருவிழாவின் முக்கிய நிகழ்ச்சியான காப்பு கட்டுதல் வருகிற 30-ந் தேதி நடக்கிறது. அடுத்தமாதம் (மே) 14-ந் தேதி தேர் திருவிழாவும், 15-ந் தேதி சிரசு விழாவும் நடைபெறுகிறது.
இதனை முன்னிட்டு கோவிலில் பால் கம்பம் நடும் விழா நேற்று காலை நடைபெற்றது. நிகழ்ச்சியையொட்டி மூலவருக்கு சிறப்பு அலங்காரமும், சிறப்பு அபிஷேகமும் நடைபெற்றது. தொடர்ந்து பால் கம்பத்திற்கு சிறப்பு பூஜைகள் செய்யப்பட்டு கோவிலை சுற்றி வலம் வந்து பால் கம்பம் நடப்பட்டது. பக்தர்கள் ஏராளமானோர் கலந்துகொண்டு பால் ஊற்றினர்.
நிகழ்ச்சியில் குடியாத்தம் நகரமன்றத் தலைவர் எஸ்.சவுந்தரராசன், துணைத்தலைவர் பூங்கொடி மூர்த்தி, நகரமன்ற உறுப்பினர்கள் தேவகி கார்த்திகேயன், ஆட்டோ மோகன் உள்பட ஏராளமான பக்தர்கள் கலந்து கொண்டனர். தொடர்ந்து அன்னதானம் வழங்கப்பட்டது.
ஏராளமான பக்தர்கள்
இதற்கான ஏற்பாடுகளை கோவில் நிர்வாக அதிகாரி திருநாவுக்கரசு, ஊர் நாட்டாமை ஆர்.ஜி.சம்பத், தர்மகத்தா கே.பிச்சாண்டி, திருப்பணி குழு தலைவர் ஆர்.ஜி.எஸ்.கார்த்திகேயன் உள்பட முன்னாள் அறங்காவலர்கள், கோவில் திருப்பணி கமிட்டியினர், கோபாலபுரம் பொதுமக்கள், விழாக்குழுவினர், இளைஞர் அணியினர் செய்திருந்தனர்.
கடந்த இரண்டு ஆண்டுகளாக கொரோனா கட்டுப்பாடுகள் காரணமாக குறைந்த அளவு பக்தர்கள் கொண்டே கெங்கையம்மன் கோவில் பால் கம்பம் நடும் நிகழ்ச்சி நடைபெற்றது. தற்போது கொரோனா கட்டுப்பாடுகள் நீங்கியதால் பால் கம்பம் நடும் நிகழ்ச்சியில் ஏராளமான பக்தர்கள் கலந்துகொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
