கடத்தூர் அருகே மனைவியை அடித்து துன்புறுத்திய கணவர் கைது

மொரப்பூர்:

கடத்தூர் அருகே உள்ள தேக்கல்நாயக்கன்பட்டி கிராமத்தை சேர்ந்தவர் சிவகுமார் (வயது 37), கட்டிட தொழிலாளி. இவருடைய மனைவி சத்யா (25). இந்த நிலையில் சிவக்குமாருக்கு குடிப்பழக்கம் உள்ளதாகவும், அதனால் கணவன்-மனைவிக்கு இடையே அடிக்கடி குடும்ப தகராறு ஏற்பட்டு வந்ததாகவும் கூறப்படுகிறது. 

கடந்த 21-ந் தேதி தான் வளர்த்து வரும் ஆட்டுக்குட்டிக்கு கொட்டகை அமைக்க வேண்டும் என சத்யா தனது கணவரிடம் கூறி உள்ளார். அதற்கு மறுப்பு தெரிவித்த சிவகுமார் மனைவியை அடித்து துன்புறுத்தியதாக கூறப்படுகிறது. இதில் மனம் உடைந்த சத்யா அரளி விதையை அரைத்து குடித்துள்ளார். இதை பார்த்த பார்வதி என்பவர் சத்யாவை மீட்டு தர்மபுரி அரசு மருத்துவக்கல்லூரி ஆஸ்பத்திரியில் சேர்த்தார். அங்கு அவருக்கு சிகிச்சை அளிக்கப்பட்டு வருகிறது. இந்த சம்பவம் குறித்து சத்யா தனது கணவர் மீது கடத்தூர் போலீசில் புகார் செய்தார். அதன்பேரில் போலீஸ் சப்-இன்ஸ்பெக்டர் முருகன் வழக்குப்பதிவு செய்து சிவகுமாரை கைது செய்து விசாரித்து வருகிறார்.