ராசிபுரம் நூலகத்தில் உலக புத்தக தின விழா

ராசிபுரம்:

ராசிபுரம் நூலகத்தில் உலக புத்தக தின விழா நடந்தது. மக்கள் உரிமை பாதுகாப்பு மையத்தின் மாநில தலைவர் வக்கீல் இளங்கோ தலைமை தாங்கினார். முதல்நிலை நூலகர் சீனிவாசன் வரவேற்றார். ஓய்வு பெற்ற கலெக்டர் தங்கவேலு, அரிமா சங்க தலைவர் ஆடிட்டர் வி.பி.சுப்பிரமணியம் ஆகியோர் முன்னிலை வகித்தனர். 

சிறப்பு விருந்தினராக ராசிபுரம் நகராட்சி தலைவர் கவிதா சங்கர் கலந்து கொண்டு பேசினார். பின்னர் பேச்சு, கட்டுரை மற்றும் ஓவிய போட்டிகளில் வெற்றி பெற்ற மாணவ, மாணவிகளுக்கு பரிசு வழங்கினார். இதில் நடேசன், வாசகர் வட்ட உறுப்பினர் வேலு, முன்னாள் அரிமா சங்க தலைவர் ராகவன், முக்கிய பிரமுகர்கள் மற்றும் மாணவர்கள் உள்பட பலர் கலந்து கொண்டனர். முடிவில் நூலகர் நாகராஜன் நன்றி கூறினார்.