மோகனூரில் அதிகபட்சமாக 78 மி.மீட்டர் மழைபதிவு

நாமக்கல்:

நாமக்கல் மாவட்டத்தில் கோடை வெயில் சுட்டெரித்து வந்த நிலையில் நேற்று முன்தினம் இரவு பல்வேறு இடங்களில் மழை பெய்தது. அதிகபட்சமாக மோகனூர் பகுதியில் 78 மி.மீட்டர் மழை பதிவானது. நேற்று காலை 7 மணி நிலவரப்படி மாவட்டத்தில் பதிவான மழைஅளவு மி.மீட்டரில் வருமாறு:-

மோகனூர்-78, நாமக்கல்-40, பரமத்திவேலூர்-28, குமாரபாளையம்-21, திருச்செங்கோடு-21, புதுச்சத்திரம்-20, நாமக்கல் கலெக்டர் அலுவலகம்-19, ராசிபுரம்-11, கொல்லிமலை-5, சேந்தமங்கலம்-4, எருமப்பட்டி-3. மாவட்டத்தின் மொத்த மழை அளவு 250 மி.மீட்டர் ஆகும். இந்த மழையால் கடுமையான வெப்பம் சற்று தணிந்து இருப்பதால் பொதுமக்கள் மற்றும் விவசாயிகள் மகிழ்ச்சி அடைந்துள்ளனர்.