புகை மூட்டத்தில் சிக்கி ஜோதிடர் சாவு

ஸ்ரீவில்லிபுத்தூர்,

ஸ்ரீவில்லிபுத்தூர் பஞ்சபூத தெருவை சேர்ந்தவர் சரவணன் (வயது 33). ஜோதிடர். இவரது வீட்டில் இருந்து திடீரென புகை வந்துள்ளது. இதுகுறித்து தகவல் அறிந்த தீயணைப்புத்துறை அதிகாரிகள் விரைந்து வந்து தீயை அணைத்தனர். அப்போது வீட்டின் உள்ளே சென்று பார்த்த போது புகை மூட்டத்தில் சிக்கி ஜோதிடர் சரவணன் மூச்சி திணறி மயங்கிய நிலையில் கிடந்தார். உடனே  அவரை ஸ்ரீவில்லிபுத்தூர் அரசு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். வீட்டில் எப்படி தீப்பிடித்தது, அவர் எப்படி இ்றந்தார்? என்பது குறித்து ஸ்ரீவில்லிபுத்தூர் நகர் போலீசார் வழக்குப்பதிவு செய்து விசாரணை நடத்தி வருகிறார்கள்.