சிறுமியை கடத்திய வாலிபர் போக்சோ சட்டத்தில் கைது

சேலம்:-

சேலம் அருகே செட்டிச்சாவடி அண்ணா நகரை சேர்ந்தவர் பிரகாஷ்ராஜ் (வயது 26). இவர், 14 வயது சிறுமியை பிரகாஷ்ராஜ்  கடத்தி சென்றதாக அம்மாபேட்டை மகளிர் போலீசில் புகார் செய்யப்பட்டது. அதன்பேரில் போலீசார் வழக்குப்பதிவு செய்து அவரை தேடி வந்தனர். இதற்கிடையே ஏற்காட்டில் இருந்து சேலம் நோக்கி வந்த காரை நிறுத்தி போலீசார் சோதனை செய்த போது, காரில் பிரகாஷ்ராஜூம், அந்த சிறுமியும் இருந்தனர். உடனே போலீசார் பிரகாஷ்ராஜை போக்சோ சட்டத்தில் கைது செய்தனர். சிறுமியை மீட்டு மருத்துவ பரிசோதனைக்கு அனுப்பி வைத்தனர். இதற்கிடையே சிறுமி கடத்தலுக்கு பிரகாஷ்ராஜ் மனைவி திவ்யா (21) உடந்தையாக இருந்தது தெரிய வந்தது. அவரையும் போலீசார் கைது செய்தனர்.