அரசு பஸ்சை கல்வீசி சேதப்படுத்திய 2 பேர் கைது

திருச்சி:

துறையூர் ரெட்டியார்பட்டி பகுதியை சேர்ந்தவர் சேகர்(வயது 52). அரசு பஸ் டிரைவர். இவர் சம்பவத்தன்று சத்திரம் பஸ் நிலையத்தில் இருந்து முதுமணி நகருக்கு அரசு பஸ்சை ஓட்டி வந்தார். காஜாபேட்டை அரசமரத்தடி பஸ் நிறுத்தத்தில் அந்த பஸ் வந்தபோது. திருச்சி பாலக்கரை பகுதியை சேர்ந்த 3 பேர் அரசு பஸ்சின் முன்னால் நின்று தகராறு செய்துள்ளனர். இதனை சேகர் தட்டி கேட்டுள்ளார். இதில் ஆத்திரம் அடைந்த 3 பேரும் அவரை தாக்கி அரசு பஸ் மீது கற்களை வீசி சேதப்படுத்தியுள்ளனர். இதுகுறித்து பாலக்கரை போலீசில் புகார் செய்யப்பட்டது. அதன்பேரில் போலீசார் வழக்குப்பதிவு செய்து பிலாலுதீன் மற்றும் 17 வயது சிறுவனை கைது செய்தனர். மேலும் ஒருவரை தேடி வருகின்றனர்.