சிவகிரி சேனைத்தலைவர் மேல்நிலைப்பள்ளியில் திறனாய்வு தேர்வில் 8 பேர் வெற்றி

சிவகிரி:

2021-2022-ம் கல்வி ஆண்டுக்கான தமிழ்நாடு ஊரக திறனாய்வு தேர்வு நடந்தது. இந்த தேர்வில் சிவகிரி சேனைத்தலைவர் மேல்நிலைப்பள்ளியில் 9-ம் வகுப்பு பயிலும் மாணவர்கள் பாலாஜி, கார்த்திக்குமார், மாணவிகள் மீனா, தங்கம், உமாமகேஸ்வரி, மகாலட்சுமி, முத்துலட்சுமி, சுந்தரபரமேஸ்வரி ஆகியோர் தேர்ச்சி பெற்றனர். இவர்களுக்கு அரசு சார்பில் ஆண்டுதோறும் தலா ரூ.1,000 வீதம் பிளஸ்-2 வரை வழங்கப்படும். 

தேர்ச்சி பெற்ற மாணவ-மாணவிகளை பள்ளியின் செயலாளர் ஆர்.வி.கே.தங்கேஸ்வரன், சிவகிரி சேனைத்தலைவர் மகாசபை தலைவர் மாரியப்பன், பொருளாளர் ஆறுமுகம், துணைத்தலைவர் மூக்கையா, தலைமை ஆசிரியர் சக்திவேல் மற்றும் ஆசிரிய-ஆசிரியைகள், அலுவலக பணியாளர்கள், பெற்றோர்கள் மற்றும் சேனைத்தலைவர் மகாசபை அறப்பணி, கல்வி பணிக்குழு நிர்வாகிகள் பாராட்டினர்.